صورة بقلم لطفى

صورة
------
مرايتك ..
هربانه منك ..
ودموع العين ..
هربانه ..
ما ياحلوة ..
أكيد اكمنك ..
تقاطيع ..
وشك تعبانة ..
وقال ايه ..
بتحبى ياحلوة ..
ومين حب ..
عنيه تعبانة ..
دا يومين ..
وهاتاخده النوة ..
ويقولوا ..
عنيه تعبانه ..
كان أقرع ..
تاه فى الزحمة ..
وكانوا شايلينه ..
ليها أمانة ..
وكان عظم ..
وحتة لحمة ..
وخادته يوم ..
واحده جعانة ..
منقول
*****
هيه هيه

الدنيا…

هيه هيه..

وزى السبت التلات

يا عينى…

عالوليه..

والراجل والبنات

* * *

دالهم زاد..

وغطا..

عالعم والخالات

ومين طاطا..

تانى.. وطا

ومين فات.. وعدا.. فات

لا الفقر..

يوم نسينا..

ولا نسينا السكات

ولا يوم..

فى يوم رسينا..

وفرحنا.. بالبنات

* * *

عدينا..

يا معداوى..

ماتقولشى القطر فات

انطق..

لو كنت ناوى..

واللا انته ليك حالات

الدنيا..

هيه هيه..

وزى السبت التلات..
***********
البر التانى
=====

بيقولوا بقى

فيه عالم بره

آه لو أعدى

البر التانى

زى ما اكون

أنا كنت فى جره

وممنوع بره

أبقى

فى يوم تانى

* * *

بيقولوا فيه ناس

ياما تانى بره..

وفيه تانى بره..

الرأى التانى

وقد مافيه ناس

تانى ياما حره

فيه ناس ياما

زينا بتعانى

***

تاخد خد

على قد ماتدى..

تدى فى يوم

هاتاخد من تانى

وطول ما ايديك

يوم حاضه فى يدى

مش راح اعيش

ولا يوم بهوانى

* * *

صالح بكره

وقوم واتشمر

قوم يوم عبر..

وازرع تانى

وانسى الدنيا

وعيش يوم كبر

مش راح تكبر..

لو وحدانى ..
بقلم
لطفى البلقينى